«Ենիչերին» պատմավեպը Միացյալ Նահանգներում բնակվելու տարիներին հեղինակի ամենաստվար ստեղծագործությունն է (մասամբ նաև «Սև այգիների արյունոտ ծառուղիներում»-ը), և ինչպես վերնագիրն է հուշում, պատմում է իր քրիստոնյա ընտանիքից բռնի վերցված ու մահմեդականություն ընդունած մի թուրքացած հայ զինվորականի մասին, որը մեկն էր հարյուր հազարավոր ստրուկ ռազմիկներից, որ Օսմանյան կայսրությունում հայտնի էին ենիչերի անվամբ, և իրենց անգթությամբ, վայրագությամբ ու ռազմատենչությամբ նորանոր հաղթանակներ էին բերում Թուրքաց պետությանը` ահ ու սարսափ տարածելով նրա թշնամիների վրա, որոնք հաճախ իրենց իսկ նախկին ազգակիցներն էին: Պատմավեպում ներկայացված են XV դարի վերջի-XVI դարի սկզբի Օսմանյան կայսրության կենցաղն ընդհանրապես և ենիչերիների առօրյան` մասնավորապես։ Պատկերվում են կայսրությունում տիրող բարքերը, սովորույթները, մարդկանց ամենօրյա կյանքը, նրանց հավատալիքները, կենսավիճակը, սպասումները։ Վեպում նկարագրվում է Ստամբուլյան մեծ երկրաշարժն ու հանրահայտ Չալդիրանի ճակատամարտը ղզլբաշների և օսմանցիների միջև, որ Թուրքիայի նախագահ Էրդողանը «թուրքական պատմության ամենաամոթալի էջ»-ն է համարել։ Պատմավեպը թարգմանվել է ռուսերեն:
| Бренд | ԱՐՄԱՎ |
| Артикул | 031694 |
